Хүүхдүүд аавынхаа тухай юу гэж боддог вэ?

6 насандаа-Миний аав бүхнийг мэддэг,
10 насандаа-Миний аав их юм мэддэг,
15 насандаа-Би аавын дайтай мэддэг,
20 насандаа-Аав нэг их юм мэддэггүй нь ойлгомжтой,
30 насандаа-Нэг удаа аавын саналыг сонсоход буруутахгүй,
40 насандаа-Ямартай ч аав зарим зүйлийг мэддэг,
50 насандаа-Миний аав бүхнийг сайн мэддэг,
60 насандаа-Ай даа аав минь амьд сэрүүн байсан ч болоосой. Ааваасаа л асуух юмсан

(Үнэн ч байж мэдэхийм)

Эрчүүдээ өмөөрч бичсэн шүлэг

М.Билэгсайхан : Эрчүүдээ өмөөрч бичсэн шүлэг

Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.
Хэл нь тагнайгаа олохгүй тульдчиж
Хөл нь дэлхийгээ онохгүй тэмтчиж
Хааяа нэг халамцуухан ирэхэд нь
Хараалын үг урсгаж халаасыг нь битгтй хоосол оо
Янагын захиа л лав гарахгүй шүү дээ наадахаас чинь
Яахав дээ хөөрий шараа тайлах юмыг нь үлдээ
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Халуун залуу насыг нь хамт элээснээ бод оо
Хайрын галзуу дурлалд хамт элэгдсэнээ бод оо
Өөрийг чинь ээж болгосон эрийн тэнгэр юм шүү дээ
Үрийн чинь эцэг болсон хүний дээд юм шүү дээ

Хичнээн жил амьд явахыг мэдэж болдоггүй орчлонд
Хэзээ хаана жаргана гэж хэрүүлийн алим хуваах юм бэ
Хазайсан газар нь тэдэнд чинь бүүвэй ээж түшиг болдог юм
Халтирсан газар нь тэдэнд чинь бүсгүй хайр нөмөр болдог юм
Уул шиг юм гэж дандаа битгий давар
Үүл шиг нүүгээд явчихдаг юм
Ус шиг уян гэж дандаа битгий самар
Уур болоод дэгдчихдэг юм
Төгөлдөр их урмыг нь бүр хугалчихвал
Төрсөн шигээ уруугуу хараад уначихдаг юм
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Дээл бүсэн гоёлтой
Дээрээ малгайн хиймортой
Андынхаа дэргэд цовоожиж
Аавынхаа харцанд томоождог
Янагын сэтгэлд нялхарсан эрчүүдийг
Янжинлхамууд минь өршөө
Олон олон авааль гэргий та нараасаа
Олон олон аавын хөвгүүдийг
Өмөөрч бичсэн шүлгийг минь болгоо
Өөрийн минь биеийг битгий болгоо
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.

7 сарын 1

Messenger-ээр ирсэн гунигтай шүлэг

Би үхэж...
Hамайг хүмүүс мартахад
Сүүдрээрээ гэрэл цуулж
Булшин дээр минь нэг ирээрэй
Сүнс минь чамайг танина.
Мартсан бүхний сүүлд
Мартаагvй үлдсэн чамд
Хөмөрч унасан манан баярлана
Хөлд чинь торсон чулуу баярлана
Хагацалд сүүмийсэн өвс өвдөн байж баярлана
Хажууд сөхөрсөн уулс өндийн байж баярлана
Хайртай байж дээ үнэн байж гэж
Хамгийн сүүлчийн удаа яс минь цугларч хашгирна.

Наадам

Хуртай нартай миний Монголын наадам
Хурдтай цэцтэй Монголын наадам
Есөн хөлт тугаа өөд тэнгэртээ залж
Ерөөл буяны хийморь дэгдээж
Санаа цагаан заяа тэгш сайхан наадаарай!

Нээлт

Өнөө өглөө ажилдаа ирээд Nautilus дээр tab нээж болдогийг нээв. :))

Сайн цаг

Сайхан цаг санаанд оров. Тэгээд энийг оруулав.

Амар мэнд үү?

Энэ сайхан жилдээ
Үхэр шиг буянтай
Үнээ шиг сүүтэй
Бух шиг хүчтэй
Бяруу шиг залуухан
Хайнаг шиг чанартай
Сарлаг шиг цоглог
Тугал шиг хөөрхөн байгаарай.
Дээрээ тэнгэрийн нартай
Дэргэдээ ханийн нартай
Өвөр дээрээ үрийн нартай
Өөдлөн дэвжиж, өсөн дэвшиж яваарай

2008 онд би

Өнөөдөр ажил дээрээ энэ жилийн төлөвлөгөөний талаар хэлэлцэв. Нэг санасан чинь өнгөрсөн жил нэг төлөвлөгөө маягийн зүйл хийчиж. Тэрийгээ эргээд харсан чинь нэг иймэрхүү байхын:

1. Сүлжээгээ Cisco төхөөрөмжүүдээр тоноглоно (хуучин ажилдаа хийж амжаагүй ч шинэ ажилдаа хйисэн.)
   
2. CCNA зэргийн шалгалт өгнө (энэ ч лөөлөө болсон.)
   
3. МУИС-ийн сүлжээний хэрэглэгчдийн бүртгэлийг төвлөрүүлэх ажлыг эхлүүлнэ (LDAP) (энэ руу бол бүүр ч сөхөж хараагүй)
   
4. Fedora-ийн Монгол сайттай болно (энэ ч түмний дэмээр болсон шүү)
   
5. ... (энд нэг хувийн юм төлөвлөчиж, тэрнийгээ бол харин хугацаанаас нь өмнө хийчихсэн байна шүү.)

5-аас 3-ийг нь хийсэн гэдэг чинь болжийна гэсэн үгүү??? ...